بوابة التحالف الإخبارية صوت القوى الوطنية والتقدمية
مصطفي الأعصر صحفي شاب وشاعر وكاتب حر مقبوض عليه من فبراير ٢٠١٨ وقد نشرت أخته منار علي صفحتها نموذج لما يتعرض له مصطفي في محبسه من تدهور حالته الصحية وسوء المعاملة .
في يوم الجمعة ٢٠٢٠/١/١٠ مصطفي الأعصر تعب جدًا وكان في الم جامد ف جنبه الشمال وكان شاكك ف وجود مغص كلوي وطلب انه يروح العيادة عشان يكشف وياخد الادوية اللازمة .. اول ما نزل العيادة قعد ف الاستراحة لحد ما الدكتور ييجي .. الدكتور النقيب “ أحمد سمير “ نزل العيادة و تم التعامل مع مصطفي بطريقة غير لائقة “ارجع لورا كده .. ارجع تاني .. اطلع برا العيادة ” وبإستخدام الفاظ غير لائقة فرد مصطفي عليه ” انا جاي هنا اتعالج مش جاي اتخانق معاك وخرج من العيادة ”
وبدأ الدكتور بالتمادي في سوء معاملة مصطفي الأعصر وقام بالتعدي عليه عن طريق إمساكه من ملابسه ودفعه الي الحائط علمًا بأن مصطفي لديه جبيرة في يده اليمني ولم يستطع مقاومة الدكتور. ثم خرج من غرفه العيادة ولم يأخد اي من العلاج المطلوب سوي انه تلقي حقنة مسكنه اعطاها له التمرجي بعد حدوث التعدي عليه.
وإلي الآن لم يتم اخذ اي إجراءات ضد الدكتور.
ولقد قمنا بتقديم البلاغات و الشكاوي إلي كلاً من :-
– النائب العام.
– مصلحة السجون.
– المجلس القومي لحقوق الإنسان.
#الحرية_لأعصور
#الحرية_لمصطفي_الأعصر
#الصحافة_ليست_جريمة
