محمود السقا: رسالة من داخل المعتقل

قالت رندا السقا، شقيقة الصحفي المعتقل محمود السقا، إن “أخاها أرسل السلام لجميع معارفه”، وونقلت شكره لكل المتضامنين معه.

وحكت “راندا” تفاصيل زيارتها لأخيها المعتقل قائلة عبر صفحتها “فيس بوك”: طبعا كان مشرفنا 2 من الأمن الوطني كالعادة، خلاص بقوا من أفراد من العيلة أثناء الزيارة، محمود رغم أنه بيضحك معنا وبيهزر وبيقوينا، إلا أن عيونه كلها ألم ووجع، ولما بيلاقي حزن فى عيونا بيقولنا اجمدوا شوية، ما تقلقوش عليا، محدش هيعرف يكسرني”.

واستطردت: محمود متأكد أنهم خايفين منه، وإنه أقوى منهم بتمسكه بالحق وحبه للبلد، هو واثق في عدل ربنا، لكنه فاقد الأمل في “العدالة المصرية”.

وتابعت: محمود واثق إن ربنا معاه، ومش هينساه، لأنه على حق، محمود بيطمن كل الناس عليه وبيقولكوا ما تخافوش وافضلوا طالبوا بحقوقكم وفي النهايه لازم هننتصر وبكره لينا بس لازم ندفع الضريبة علشان ولادنا والأجيال الجاية.

واختتمت مشاركتها قائلة إن أخيها قال في نهاية الزيارة: حب البلد دي بيجري في دمي، وروحي فيها.