بوابة التحالف الإخبارية صوت القوى الوطنية والتقدمية
#ذكرى_رحيل_المناضل_أبو_العز_الحريرى
يا الف اه و اهين
يا حزن ساكن انين
يا عمنا الغالى
رحلة نضالك سنين
من الضنا للحنين
عايشة فى موالى
يا الف اه و اهين
يا دمع مالى العين
على نخلة فى العالى
يا الف اه و اهين
على فراق بيهز
يا حريرى يا ابو العز
يا صوت اصيل بيجز
كل اللى باعوا و خانوا
و بالفقير استهانوا
و للعويل استكانوا
يا الف اه و اهين
على فراق بيهز
يا حريرى يا ابو العز
سلم لنا ع الحبايب
سلم على كل غايب
و بوس لنا كل ايد
من الشهيد للشهيد
بلغهم ان الرفاقة
مكملين الطريق
و لاخر المشوار
ثوار ورا ثوار
و صفوف تجر صفوف
حالفين يجيبوا التار
و يكملوا المشوار
يا الف اه و اهين
على فراق بيهز
يا حريرى يا ابو العز
شعر عبدالمجيد راشد
