شباب التحالف يبدع في حملة ” أحمي نفسك – أحمي بلدك ” ميت يعيش نموذجاً

منذ أنطلقت حملة التحالف الشعبي الاشتراكي في مواجهة وباء كورونا والتوجيه الحزبي بتشكيل لجان شعبية وشبابية لمواجهة انتشار الوباء والتوعية بمخاطر الفيروس . ويتوالي إخطار المكتب السياسي بتشكيل لجان شبابية في القاهرة الكبري وعدد من المحافظات مثل بني سويف والدقهلية . ولعل لجنة مكافحة وباء كورونا في ميت يعيش وكفر المحمدية مركز ميت غمر بمحافظة الدقهلية  تشكل نموذج ملهم لكل لجان الحزب.

بدأت اللجنة نشاطها بحملة للتوعية وقد بادرت اللجنة باعدد بيان بعنوان ” إزاي نحمي نفسنا من كورونا “ والذي تبناه الحزب ليكون بيان رسمي لاستخدام كل اللجان الحزبية في الحملة ونص البيان علي :
– النظافة الشخصية
تطهير الإيدين عن طريق غسلها كويس جدا لمدة 20 ثانية ع الأقل بالصابون ، بعد التعامل مع أي منتجات زي الخضار ولوزام البيت، وبعد الخروج أو الذهاب للحمام.. وممكن كمان نستخدم الكحول الطبي ولكن مش بكثرة ولا عمال على بطال.
مهم إننا نلبس كمامة في حالة الخروج ونستخدم مطهر الإيدين ، ونبعد ايدينا طول الوقت عن لمس الوجه لأن ده الوجه فيه العين والأنف والفم واللي بيعتبروا أماكن بتسهل نقل الفيروس.
– التباعد الإجتماعي
التباعد الاجتماعي المقصود به هوه تقليل الإختلاط بالناس، يعني نقلل الخروج على قد منقدر، وبلاش الخروج عمال على بطال بدون سبب ضروري جدا، وكمان لو خرجنا بلاش السلام بالإيد ولا الأحضان ، ومهم جدا تكون فيه مسافة بينا وبين الناس ونبعد عن لمس الحاجات اللي ممكن ناس تانية يكونو لمسوها أو احتمال يوصلها أي زذاذ من كحة أو عطس أي حد. وكمان نهتم جدا بفكرة التعقيم أثناء وبعد الخروج وتطهير نفسنا قبل الإختلاط بأي حد من الأسرة بعد القدوم من الخارج.
– التطهير :
لازم نطهر بيوتنا بشكل مستمر من خلال الكلور المخفف ، ومهم إننا نحاسب من إن الكلور يسبب أي اختناق للأسرة ، وعشان كده مهم نفتح الشبابيك والأماكن اللي تدخل الشمس البيت ونطهره بشكل يومي.
كمان لازم نطهر ملابس أهل البيت وخاصة اللي بيخرجوا الشغل أو مشاوير ، ونغسل الملابس دي ونزود المطهرات عليها ، وياريت لو بعد الخروج الملابس دي تتجمع في مكان واحد وتتغسل ومتتلبسش أكتر من لبسه، لأن الفيروس بيمسك في الملابس لمده طويلة وعشان كده مهم نغسلها ونطهرها أول بأول.
– رفع المناعة
المناعة جزئين الأول جسدي وده بنرفعه بإننا أولا نتغذي كويس بشكل عام، وثانيا نزود شوية من فيتامين سي الموجود في البرتقال والليمون مثلا، ونزود من أكل الخضر والفواكه الطازة، ونحافظ على شرب المياه بشكل منتظم، ولازم نخلي بالنا أكتر عشان نقص الميه والعناصر الغذائية في أوقات الصيام.
الجزء التاني هوه المناعة النفسية، وهنا لازم نأكد إن القلق والخوف والخنقة دي حاجات بتزود أعراض الإكتئاب عندنا واللي أخطر أعراضه هوه التأثير على المناعة وإنه بيزود إحتمالات تعرض الإنسان لأمراض، وعشان كده مهم جدا إننا نتعامل مع المشكلة اللي بنواجها بعقل وبصبر ونعرف إنها أزمة وهتعدي.
البشر واجهوا قبل كدة أمراض وأوبئة و قدر بالعلم والوعي والمشاركة ينتصر.